A Mancomunidade de Municipios Arousa Norte está presente un ano máis na feira gastronómica Xantar, en Expourense, o prestixioso e referencial salón do turismo ligado á hostalería, á nosa cociña e aos nosos produtos típicos. Así nolo lembrou hoxe a entidade que aglutina aos catro concellos da vertente sur de Barbanza (Ribeira, A Pobra, Boiro e Rianxo), poñendo o foco na importancia de promover a gastronomía comarcal nun escaparate culinario-turístico tan concorrido como do Xantar, onde se fará un especial esforzo por visualizar o destino de Arousa Norte e os seus produtos estrela.
A Mancomunidade acode a Xantar (que se celebra dende este mércores 5 ao 9 de febreiro) coa seguinte axenda de actividades:
• Degustación de produtos gastronómicos da ría e pratos tradicionais de Arousa Norte: do 5 ao 9 de febreiro de 2020 ás 13.00 h no stand de Arousa Norte.
• O Bateeiro en Arousa Norte: mércores 5 de febreiro.
• O Dorneiro en Arousa Norte: xoves 6 de febreiro.
• Valle Inclán en Arousa Norte: venres 7 e sábado 8 de febreiro.
• Castelao en Arousa Norte: e domingo 09 de febreiro.
• Showcooking de Arousa Norte con demostración en directo do menú peregrino: sábado 8 de febreiro de 19.15 a 20.15 horas, amenizada por Eva Iglesias no papel de Xubilada (pendente de confirmación).
