Entre o 21 e 26 de febreiro, a Policía Local de Rianxo participou, dentro do plan de coordinación operativa de seguridade viaria de Galicia, xunto coa Agrupación de Tráfico da Garda Civil, nunha campaña de control e vixilancia especial polo Entroido en diversas estradas do municipio.
Neste senso, controláronse un total de 60 vehículos, detectándose 5 infraccións administrativas relativas a documentación de vehículos, condutores e á condución baixo os efectos de alcohol e drogas.
Así mesmo, tramitáronse 3 atestados remitidos ao Xulgado de Garda de Padrón por delitos contra a seguridade viaria, sendo investigados os condutores. Concretamente, 2 correspóndense con perda total de puntos, mentres que 1 con quebrantamento de condena ao ter retirado o seu titular o permiso ata o 2021 por sentencia xudicial firme.
