A Deputación da Coruña investirá 85.787’27 euros nas obras de renovación das beirarrúas de acceso á praia de Barraña, en Boiro. O proxecto, que vén da saír a licitación pública, será financiado ao 100% con fondos do Plan Único (POS+2019).
A intervención focalizarase na beira sur da avenida de Compostela, no tramo que discorre fronte ao pinar do estuario do río Coroño, onde, tal e como manifestan, as beirarrúas actuais presentan un estado importante de deterioro. Ademais, trátase dunha zona que rexistra unha afluencia importante de persoas, tanto polo acceso ao centro de ensino coma pola conexión de praia, parques e estuario do río.
Así, efectuarase a renovación completa dun tramo duns 300 metros de beirarrúas, que terán un ancho medio de 3 metros e serán totalmente accesibles, sen bordos nin resaltos, permitindo un percorrido seguro para tódalas persoas, especialmente para aquelas con limitacións de mobilidade. As obras incluirán a instalación de novo alumeado LED para ofrecer mellor visibilidade e reducir o consumo eléctrico e a construción dunha nova rede de pluviais, separada do saneamento, que garanta unha recollida axeitada da auga da chuvia. O Plan Único tamén destinará 139.000 euros a obras de pavimentación e renovación de firmes en diversas estradas e camiños municipais. Os proxectos executaranse nos lugares de Pomar do Río, Cadarnoxo, Carboeiro, Enseño, Cures, Coroño, Cabo, Cespón, Treites e Graso. Segundo explican, este último tramo presenta problemas de seguridade viaria cando se producen chuvias debido ao deterioro das redes pluviais, polo que se dotará á
