A Deputación da Coruña explica en Rianxo e Ribeira as liñas abertas no seu Plan de Emprego Local (PEL)

27 Febreiro 2020

Os nosos concellos están a dar pasos relevantes en materia de eAdministración (un estado de cousas no que a gran maioría dos procedementos, xestións, comunicacións e tramitacións coa cidadanía poderán facerse e resolverse online) e en materia de emprendemento e investimento innovador. Cara a estes obxectivos diríxense iniciativas como o proxecto PEL-Concellos da Deputación da Coruña, (que se está a desenvolver estes días en Rianxo e que inclúe medidas para impulsar a dixitalización das entidades locais da provincia e a comunicación electrónica coa cidadanía) e máis PEL Emprende Investimento e PEL PEME, tamén lanzados pola entidade provincial.

Co fin de favorecer o máximo achegamento destas iniciativas á cidadanía, a Deputación puxo en xogo unha rede de axentes dinamizadoras para atender en persoa á veciñanza e ás entidades asociativas.

En Rianxo

Este mércores que vimos de deixar atrás unha axente do PEL-Concellos estivo dispoñíbel na Aula de Informática do Auditorio de Rianxo para resolver as dúbidas que as asociacións e a veciñanza teñan sobre a sede electrónica (e os mecanismos de comunicación electrónicos coas administracións) e a plataforma Subtel para solicitar subvencións á Deputación da Coruña. Tamén clarificou cuestións relacionadas cos servizos electrónicos das administracións, certificados electrónicos, etc.

A cita de Ribeira

No que respecta a Ribeira, acollerá o 12 de marzo unha xornada informativa gratuíta impartida por un técnico da Fundación Ronsel. Con horario de 12.00 a 14.00 horas, a actividade inclúe no seu programa Liña PEL Emprende Investimento (axudas para contribuír á consolidación e ao fortalecemento do tecido empresarial nos concellos da provincia da Coruña a través do apoio ao investimento en bens inventariables, con prazo aberto para a presentación de solicitudes desde o 20 de febreiro); Liña PEL PEME Creación e Ampliación (axudas á creación e ampliación do cadro de persoal de pequenas, medianas empresas e microempresas, con prazo aberto para a presentación de solicitudes desde o 21 de febreiro); e Liña PEL PEME Mantemento (axudas ao mantemento do cadro de persoal de pequenas, medianas empresas e microempresas, con prazo aberto para a presentación de solicitudes desde o 21 de febreiro).

As persoas interesadas en asistir, poden formalizar a inscrición a través do enderezo electrónico orientacionriveira@riveira.com (indicando nome e apelidos, localidade de residencia e teléfono de contacto); do teléfono 981871497 e de xeito presencial no propio viveiro de empresas.

Outros artigos

Publicidade

Revista en papel

Opinión

“Plácido Vila”. Xulio Xiz

“Plácido Vila”. Xulio Xiz

Vivo na Milagrosa, onde hai tempo entrar no recinto murado era “ir a Lugo”, e agora – integrados mesmo nominalmente – o que antes parecía distante, a paso setentón faise en vinte minutos, e trinta se temos a ousadía de levar o coche. O centro de saúde da rúa...

“Ser joven en España”. José Castro López

“Ser joven en España”. José Castro López

La mayoría de las sentencias judiciales pasan desapercibidas. Otras, sin embargo, sonmuy llamativas porque el veredicto recae sobre aspectos muy sensibles de la vida socialo familiar. Como ha ocurrido en Italia.Hace unos meses un tribunal obligó a dos hombres de 40 y...