Tres saídas programadas para coñecer o patrimonio natural da Pobra

22 Xaneiro 2020

A Pobra do Caramiñal continúa neste 2020 celebrando actividades relacionadas co medio ambiente, dándolle así continuidade a aquelas desenvolvidas no 2019 tales coma a Semana de Acción polo Clima ou as Xornadas Micolóxicas. Así, terán lugar eventos dirixidos tanto a persoas adultas coma crianzas. Entre as novidades figuran o inicio da campaña de compostaxe, a cal está en fase de elaboración; e saídas para coñecer a contorna.

Neste senso, A Pobra Natural contempla tres saídas que se realizarán da man do biólogo Miguel A. Conde Teira para comprender os diversos ecosistemas -coma as dunas, as brañas e a serra- presentes no municipio pobrense. A primeira visita será ás dunas da Corna e da Gamusiña, programada para o 26 de xaneiro. O periplo contempla ir ata A Illa, cunha parada na praia da Lombiña, outra na punta da Corna, unha terceira nun extremo do areal, e unhas últimas na parte de Ribeira e en Caíños. Despois procederase a regresar polo camiño interior á Illa. Perséguese así coñecer os valores botánicos e faunísticos das dunas da Corna e a importancia da presenza de arribazón no litoral. Tamén se quere identificar algunha das especies de plantas exóticas invasoras que poden chegar a destruír estes ecosistemas. Ademais, haberá tempo para indagar algo máis sobre as cunchas e a xeoloxía do lugar.

Posteriormente, o 16 de febreiro efectuarase unha ruta guiada polas Xunqueiras do Caramiñal e outras zonas húmidas do concello. Desta maneira, posibilítase saber algo máis sobre a relevancia que teñen na biodiversidade as zonas onde se mestura auga doce e salgada, así como coñecer a necesidade da presenza de charcas e pozas no conxunto dos ecosistemas.

Por último, convídase a unha ruta guiada pola serra do Barbanza, prevista para o 15 de marzo. Unha oportunidade para adquirir coñecementos sobre a flora e fauna alí existente, incluíndo visita á Casarota do Foxiño.

Os interesados nestas saídas deberán formalizar previamente a súa inscrición no enderezo electrónico medioambiente@apobra.gal ou no teléfono de contacto 981843280 -marcando a extensión 2008-, pois o límite de prazas estipúlase en 20 persoas. Será necesario levar calzado cómodo e os menores de 12 anos deberán ir acompañados. O lugar de encontro será fronte á praza de Abastos, con hora de saída establecida para as 09.45 horas e cada actividade contará cunha duración aproximada de catro horas. En caso de chuvia intensa, cancelaranse.

Outros artigos

Ciro Briones presenta na Pobra o ensaio “Da caverna a acrópole”

O público da Pobra do Caramiñal asistiu na tarde do 12 de abril á presentación do ensaio Da caverna a acrópole. Un camiño cara a educación crítica, de Ciro Briones. Con esta obra, o autor une filosofía e ensinanza, poñendo o foco na importancia da construción do...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...