Stop Desahucios remite varios escritos respecto dunha resolución do Ministerio de Xustiza

14 Xaneiro 2020

A Plataforma Stop Desahucios Barbanza vén de presentar unha queixa ante a oficina do Valedor do Pobo, segundo afirman desde o colectivo, pola preocupación existente en relación á resolución do Ministerio de Xustiza para a suspensión do pago de honorarios aos avogados designados por quenda de oficio, pretendéndose desde a Axencia Tributaria reclamar as cotas dos últimos catro anos.

Desde a referida plataforma entenden que esta situación vulnera o desenvolvemento do artigo 119 da Constitución e na queixa presentada sinalan, entre outras cuestións, que “somos conscientes de que a maioría das familias humildes, con escasos recursos, que quixeron opoñerse a execucións hipotecarias das entidades financeiras, tiveron que solicitar o dereito á asistencia xurídica gratuíta, sen o cal non poderían reclamar e se lles crearía unha evidente indefensión, co perigo que suporía perder as súas vivendas habituais.” Neste senso, engaden que se verían “limitados” eses dereitos, apuntando que na propia resolución establécese que o Ministerio de Facenda “non atendería os custes da xustiza gratuíta prestados por requirimento xudicial e que as familias, loxicamente, non poderían afrontar os honorarios dos diferentes avogados e procuradores que, no seu día, foran designados de oficio.”

Así mesmo, remitíronse escritos ao Ministerio de Xustiza, ao Ministerio de Facenda e ao Consello Xeral do Poder Xudicial co obxectivo de que aclaren os detalles da citada resolución e se estarían dispostos á súa modificación.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...