O 7 de xaneiro conmemorouse o setenta aniversario da morte do escritor, político e artista rianxeiro Alfonso Daniel Rodríguez Castelao, celebrándose un acto oficial na igrexa de San Domingos de Bonaval en Santiago, pois os seus restos mortais repousan en dito templo compostelán.
Así mesmo, como cada mes de xaneiro, o BNG organiza unha homenaxe na súa vila natal. O acto celebrarase o domingo 12, ás 12.00 horas, diante do busto a Castelao situado no paseo da Ribeira. Intervirán a responsable local do Bloque, Mercedes Pimentel; o alcalde de Rianxo, Adolfo Muíños; e a voceira nacional da formación, Ana Pontón.
