O alcalde de Boiro, José Ramón Romero, mantivo esta mañá unha xuntanza de traballo co vicepresidente da Xunta de Galicia, Alfonso Rueda, co obxectivo de trazar posibles liñas de colaboración e proxectos entre ambas Administracións.
Neste encontro -no que tamén estivo presente a directora xeral de Administración local, Marta María Fernández Tapias-, o rexedor expuxo as necesidades do Concello e que poidan ter cabida nas liñas de axuda que se convocan desde a Vicepresidencia.
Así mesmo, a reunión serviu como unha primeira toma de contacto e, segundo afirmou o mandatario local, resultou “moi produtiva”, engadindo que “traballando xuntos, Concello e Administración autonómica, podemos facer cousas moi beneficiosas para o Concello.”
