O Concello de Boiro abre o prazo de solicitude de bolsas para a mocidade

31 Xaneiro 2020

O Concello de Boiro vén de informar de que xa está aberto o prazo para presentar solicitudes ás bolsas a estudantes deste ano 2020 convocadas polo Goberno local. A información precisa sobre estas axudas para a mocidade pode consultarse xa na páxina do Concello, onde se dá conta (entre outros detalles) do período habilitado para formalizar as peticións (dende hoxe até o 15 de febreiro) e dos requirimentos para levalas a cabo. Sinalar que tamén é posíbel solucionar posíbeis dúbidas sobre as bolsas na Oficina da Xuventude do Centro Social de Boiro.

O obxectivo destas axudas destinadas a “alumnado matriculado en centros públicos” é contribuír a afrontar os gastos derivados dos seus desprazamentos e das súas estadías fóra do domicilio e do concello por razón de estudos. A dotación total da convocatoria é de 5.000 euros con cargo á aplicación orzamentaria 326/48.000. Poderá participar na mesma o alumnado que curse estudos técnicos, medios ou superiores que non poidan ser cursados no Concello de Boiro e que reúnan estes requirimentos: estaren empadroados no municipio, ter unha idade máxima de 27 anos no intre da solicitude e non ter repetido curso no ano anterior. As solicitudes deberán facerse no Rexistro do Concello antes do 16 de febreiro.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...