O 9 de febreiro celébrase a sétima Marcha BTT Concello de Rianxo

31 Xaneiro 2020

O 9 de febreiro toca botarse ao monte en Rianxo e pedalear. O motivo? A celebración da sétima Marcha BTT Concello de Rianxo, un roteiro circular con saída e chegada no porto da vila e que, polo medio, depara a quen participe un percorrido polos camiños e montes do concello e, como agasallo, pequenas pero interesantes incursións nos concellos limítrofes: Dodro, Lousame e Rois. A proba está organizada pola Peña Cicloturista Castro Barbudo e do Concello de Rianxo.

Segundo informan as entidades organizadoras, trátase dun evento deportivo non competitivo en bicicleta de montaña que se divide, en función da dificultade, en tres rutas (curta – 32 km), (media – 50 km) e (longa – 72 km). De xeito simultáneo á proba BTT desenvolverase unha andaina de 19 km.

O programa da xornada artéllase do seguinte xeito:

· 8:00 h. Recollida de dorsais.

· 9:00 h. Saída das marchas do Porto de Rianxo.

· 11:00 h. 1º Corte – Ruta curta de 32 quilómetros.

· 11:45 h. 2º Corte – Ruta media de 50 quilómetros.

· 15:00 h. Hora estimada da chegada.

Quen queira inscribirse na proba montañeira poderá facelo dende xa até o 5 de febreiro ás 22 horas ou até completar as inscricións, sendo o custe de 15 euros. O proceso pode facerse na web Emesports.es.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

A XI Regata Caiac de Mar do Concello de Rianxo celebrarase o 2 de marzo

Xa temos data para XI Regata Caiac de Mar Concello de Rianxo, logo de que o mal tempo do 10 de febreiro, data inicial obrigase a adiar a celebración. Finalmente optouse polo sábado 2 de marzo. Será a partir das 10.00 horas no porto de Rianxo. As saídas están fixadas...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...