Na tarde de onte produciuse unha agresión a un animal de compañía por parte do seu dono nunha rúa do casco urbano de Rianxo. Unha testemuña presencial gravou a agresión en vídeo, poñendo os feitos en coñecemento da Policía Local, xunto coa gravación.
Unha vez practicadas as xestións oportunas, procedeuse á identificación do presunto autor dos feitos, sendo investigado por un delito de maltrato animal. A instrución das dilixencias remitiuse ao Xulgado de Instrución de garda de Padrón.