A axenda de cultura do Concello de Boiro para esta recta final de xaneiro vén con poesía e música. A primeira correrá a cargo de Ricardo de Barreiro, tal e como fixemos saber hoxe mesmo nesta mesma web, e a segunda será cousa da Escola de Música de Boiro, que, co obxectivo de non deixar estilo musical por cubrir, mesmo os sobre o papel máis afastados dun ámbito académico, vai celebrar este venres 31 un concerto para os seareiros locais da música máis electrificada. A audición virá da man do Combo de Rock da Escola de Música e está prevista para as 21.00 horas.
A cita musical, unha das experiencias en directo deste curso 2019-2020 da EMB (unha experiencia que engadir ás pasadas audicións da Exposición da Camelia, do Festival de Nadal da Escola de Música e da programación de Nadal do Concello), será no local Leña Verde (Centro Social).
Organizan a Escola de Música de Boiro, o Concello e máis Sonaxe.