O presidente provincial do PP, Diego Calvo, reuniuse na xornada de onte con alcaldes e portavoces do partido na comarca de Barbanza. O obxectivo da xuntanza radicaba en deseñar as liñas básicas do que será o traballo político durante estes meses.
Ao encontro, celebrado en Porto do Son, tamén asistiron a secretaria provincial do PP, Rosa Gallego; o vicepresidente de Organización e Territorio, Evaristo Ben; e o delegado territorial da Xunta na provincia da Coruña, Ovidio Rodeiro. Os presentes cualificaron como “nefasta” a xestión do PSOE á fronte do Goberno central e amosaron o seu compromiso de “pelexar para que non castiguen a nosa comarca, coma sempre fixeron os socialistas.”
Os representantes populares consideran fundamental garantir “a estabilidade que só pode ofrecer o Partido Popular” e puxeron como exemplo a situación en Porto do Son, Noia, Ribeira, Lousame ou Muros.
