Catro persoas, dous nenos e dúas mulleres, foron evacuadas esta madrugada polos servizos sanitarios de urxencia tras producirse un incendio na súa vivenda, situada no lugar da Senra, no concello de Rianxo.
O112 Galicia recibiu a chamada dun dos moradores da vivenda informando da presencia de fume en toda a vivenda, posiblemente, procedente dunha estufa de pellets.
Foron avisados os servizos sanitarios de Urxencias Sanitarias de Galicia-061, os Bombeiros de Boiro, os axentes da Garda Civil e voluntarios de Protección Civil da localidade. O lume afectou a unha papeleira e ao moble onde estaba gardada.
