Na noite do pasado xoves, catro encapuchados entraron nunha vivenda situada na praza das Laxes, na localidade boirense de Abanqueiro. Unha vez dentro, ameazaron e amordazaron á propietaria da casa -nai dun empresario boirense- xunto cunha empregada que traballaba no fogar. Finalmente, os intrusos leváronse xoias e diñeiro en metálico.
Así mesmo, mes e medio atrás, varios asaltantes irromperon no domicilio do empresario, tamén en Abanqueiro. No interior atopábase un fillo menor de idade, quen logrou escapar e pedir axuda. Cando chegaron os axentes da Garda Civil ao lugar, xa escaparan.
A policía xudicial do instituto armado está investigando o sucedido e, polo de momento, non hai constancia de que se producisen detencións.
