Aceites Abril e ANFACO-CECOPESCA celebraron en Boiro unha cata e un showcooking

28 Xaneiro 2020
Cedida

Os aceites de oliva virxe monovarietales de Aceites Abril protagonizaron, por primeira vez, unha xornada gastronómica coas conservas de peixe e marisco no restaurante Miramar Playa de Boiro. O secretario xeral de ANFACO-CECOPESCA, Juan Manuel Vieites, e a directora de Marketing de Aceites Abril, Elena Pérez Canal, deron a benvida aos asistentes, vinculados na súa maioría co tecido empresarial asociado a ANFACO-CECOPESCA. Un acto, no que tamén participou o alcalde de Boiro, José Ramón Romero, e que segundo Elena Pérez Canal “é unha xornada para dar a coñecer algo máis a cultura do aceite, sobre todo para as conserveiras.” Neste senso, indicou que “igual que utilizamos un tipo de monovarietal para cada tipo de prato, e se é un peixe usamos un hojiblanca, por que non facelo tamén nas conservas.”

Cedida

Precisamente, esta empresa ourensá foi o fabricante número 1 en ventas de aceite de oliva e de xirasol en Galicia durante o 2019, segundo datos facilitados pola consultora AC Nielsen. As vendas das diferentes gamas de aceite (suave, intenso, virxe extra e xirasol) consolidan a Aceites Abril como a marca favorita dos fogares galegos, tal e como se establece en dito estudo.

No que respecta á industria conserveira española e galega, compre destacar que España, e á cabeza Galicia, son unha referencia mundial en canto á súa produción, exportación e en variedade da súa oferta, todo isto debido ao esforzo do sector no desenvolvemento da súa estratexia de comercialización, internacionalización e innovación. Así, durante o evento, Juan M. Vieites salientou que Galicia é a primeira comunidade en produción de conservas e transformados de peixe e mariscos, ademais de gran comercializadora destes produtos en todo o mundo. Proba disto é que comercializa case o 50% da súa produción en máis de 115 países, onde as conservas galegas representan case o 80% do total destes produtos comercializados por España. Tamén subliñou que este tipo de actos constitúen unha forma de “dar a coñecer a gran variedade de produto do sector, a importancia do sector a nivel nacional e internacional, que son produtos saudables e que teñen un impacto socioeconómico en Galicia.”

Cedida

Por outra banda, o oleólogo Rubén Gutiérrez dirixiuse aos asistentes, durante a cata hedonista dos aceites virxe extra picual e Abril Colleita Propia, ensinándolles a percibir os seus diferentes matices, así como o sabor característico dos distintos aceites monovarietales. Esta actividade supuxo unha oportunidade para os conserveiros á hora de afondar nos seus coñecementos no mundo do aceite.

Posteriormente, o chef Miguel Mosteiro, de Gastrolab Arousa, empregou os aceites da cata para resaltar os pratos que elaborou durante o seu shocooking con diversas conservas de peixe e marisco. O menú incluíu unha empanada de sardinilla con algas; unha tosta de atún con guacamole e tomates; allo branco con berberechos e ovas de salmón; empanada aberta de zamburiñas con brotes tenros; e mexillón es escabeche con wakame e emulsión de verduras escabechadas.

Cedida

Ademais, os conserveiros puideron comprobar como, a través dos aceites, se potencia o sabor de distintas elaboracións. Pola súa parte, Abril convidou, mediante a súa directora de Marketing, “a impulsar desde os departamentos de calidade das empresas conserveiras novos coupages de aceite de oliva extra que lles permitan obter un valor engadido e diferenciador nos seus produtos finais.”

Esta cita estivo organizada por Aceites Abril e ANFACO-CECOPESCA, en colaboración coa Consellería do Mar da Xunta de Galicia e o Fondo Europeo e Marítimo de Pesca (FEMP), co obxectivo de achegar ao público as claves da Dieta Atlántica.

Outros artigos

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...