A undécima edición da Ruta Marítima Xacobea O Cabaleiro das Cunchas presentouse en FITUR

27 Xaneiro 2020
Cedida

A Feira Internacional de Turismo (FITUR) acolleu a presentación da XI Ruta Marítima Xacobea O Cabaleiro das Cunchas, un acto conducido pola directora de Turismo de Galicia, Nava Castro, e que contou coa presenza do presidente da Xunta, Alberto Núñez Feijóo.

Na súa pasada edición, a ruta recalou en mariñas de Arousa Norte tales coma Cabo de Cruz-Boiro e A Pobra do Caramiñal. Agora O Cabaleiro das Cunchas chega á súa undécima convocatoria, reforzado pola presenza en activo dun bo número de embarcacións e navegantes que consolidaron ao longo dos anos, coa súa asistencia e participación, esta travesía.

A cita partirá este ano desde as instalacións do Liceo Marítimo de Bouzas a finais do mes de xullo, tal e como explicou Javier Grande, presidente da Asociación Amigos de la Ruta Marítima del Apóstol Santiago a Galicia que a organiza, con diferentes etapas nas que a flota, a cal segundo a previsión dos organizadores, poderá chegar ás 25 unidades, percorrendo distintos lugares da paisaxe costeira do veciño país de Portugal e o litoral das vilas mariñeiras das Rías Baixas, navegando ao redor de 200 millas náuticas, uns 370 quilómetros.

Durante o transcurso do acto en FITUR, Grande entregou a Feijóo un exemplar do libro escrito por Paulino Freire que recolle a historia da Traslatio do corpo do Apóstolo Santiago, rememorando a lenda do Cabaleiro das Cunchas, un nobre medieval morto por unha lanza na costa de Bouzas e devolto á vida co paso do corpo do Apóstolo, saíndo do mar montando no seu cabalo recuberto de cunchas, atribuíndose o milagre ao mesmo Santiago.

Nava Castro manifestou que “a Ruta Marítima O Cabaleiro das Cunchas é un bo exemplo dese espírito que compartimos, o da ilusión de vivir o camiño e o de vivir a cultura Xacobea.”

Desde o 2010, a Asociación de Amigos de la Ruta Marítima promove a iniciativa, unindo Portugal con Galicia, para levar aos peregrinos ata Santiago, incentivando a Compostela que se lles outorga, tras a celebración da Misa e a bendición.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...