A apertura da XV Semana Cultural Francisco Lorenzo Mariño tivo como protagonista ao pintor Manuel Ayaso

Cedida por Asociación Francisco Lorenzo Mariño

A parroquia ribeirense de Aguiño vén de concluír a XV Semana Cultural Francisco Lorenzo Mariño, conmemorando o pasamento do párroco don Francisco. A programación arrancou o venres 17 cunha xornada cultural dedicada ao pintor Manuel Ayaso, veciño desta localidade, socio de honra da Asociación Francisco Lorenzo Mariño desde o 2009 e recoñecido con numerosos galardóns a nivel nacional e internacional, ademais de dar nome á Casa da Cultura aguiñense. O acto contou coa asistencia de máis de 150 persoas entre os que se atopaban membros da corporación municipal de Ribeira, representantes do tecido social do municipio e artistas barbanzáns.

A xornada contou coa intervención de Elvira Pisos e Unai González, presidenta e membro da directiva da referida asociación, respectivamente; Manuel Cartea, presidente da Asociación Cultural Barbantia; Pastor Rodríguez, director do Museo do Gravado de Artes; e Manuel Ruiz, alcalde de Ribeira. Ademais, procedeuse á proxección da curta documental Manuel Ayaso. Historia dun artista, así como á entrega dun agasallo ao nomeado pintor e un ramo de flores á súa muller, Lucía Rivas.

O evento tamén contou coa actuación das pandeireteiras da Asociación Francisco Lorenzo Mariño e rematou cun viño galego de confraternidade.

Cedida por Asociación Francisco Lorenzo Mariño
Cedida por Asociación Francisco Lorenzo Mariño
Cedida por Asociación Francisco Lorenzo Mariño
Cedida por Asociación Francisco Lorenzo Mariño