Numerosas asociacións e entidades dos municipios de Arousa Norte atópanse inmersas na organización dos seus eventos con motivo desta época. Este é o caso da Asociación Cultural Pedra da Aroña de Escarabote que celebrará o domingo 29, como xa é tradición, o seu Festival de Nadal.
O evento desenvolverase no pavillón da Cachada, en Boiro, e arrancará a partir das 17.30 horas. Así, contará con actuacións de baile galego, ballet clásico e varias coreografías, dirixidas pola profesora Marisé Muñiz. Durante o festival tamén se procederá ao sorteo de varios agasallos doados por comercios e establecementos do concello e da contorna.
