O alto do Pico Muralla contará cun miradoiro, cuxas obras comezaron recentemente. Trátase dunha actuación impulsada conxuntamente polos concellos de Lousame e Rianxo, contando cunha subvención da Axencia Galega de Desenvolvemento Rural (AGADER) que con 40.000 euros financiará parte do seu custe. Ademais, conta coa colaboración de Comunidades de Montes como a do Vilar, Campelo e Cerqueiras que cedeu terreos para aparcadoiro.
Así, a referida paraxe converterase nun recurso turístico que potenciará a zona e ofrecerá unha ampla panorámica, podendo divisarse a ría de Arousa, a de Muros e Noia ou Santiago, entre outros.
De marchar todo segundo o previsto, a intervención estará rematada no prazo dun mes aproximadamente.