O BNG boirense aposta polo produto galego en comercio de proximidade

23 Decembro 2019
Cedida por BNG de Boiro

Ao igual que en moitos municipios de Galicia, o BNG de Boiro volve a participar nunha campaña que anima a consumir produtos galegos adquiríndoos no comercio de proximidade.

Os nacionalistas manifestan que “levamos tempo alertando da imposición, por parte do Goberno do PP, dun modelo de consumo ao servizo das grandes áreas de capital foráneo, que nos empobrece, atenta contra a nosa saúde, e mesmo xera hábitos de vida e de ocio deshumanizados.” Neste senso, alentan a apoiar ao comercio de proximidade para xerar riqueza para Galicia, humanizar cidades e impedir a desertización das vilas. Tamén sosteñen que está na nosa man modificar hábitos, potenciar a economía e dar saída á produción galega, “de extraordinaria calidade.” Así, o Bloque expresa que “apostamos por prestixiar os nosos produtos primarios e por facilitar a súa comercialización.”

O obxectivo, tal e como precisan, radica en que as persoas produtoras obteñan o máximo beneficio, e que a actividade agraria, a súa transformación e comercialización sexan un elemento de xeración de emprego e dinamización económica. Deste xeito, afirman que “temos comercio e produtos de primeira. Reivindicamos a artesanía, a música, os libros, os xoguetes non sexistas, feitos na Galiza e reinvestidos na economía local.”

Ademais, critican que “as políticas fiscais e económicas do PP están a ameazar a supervivencia do comercio local, que o BNG segue a apoiar e defender.” Entre as cuestións polas que apostan os nacionalistas figuran: incentivar a compra de produtos locais e galegos, con promoción da etiquetaxe en lingua galega; opoñerse á instalación de grandes superficies comerciais; recuperar os mercados municipais e as zonas comerciais tradicionais; promover a produción alternativa e ecolóxica; impulsar unha marca de calidade dos produtos da horta galega; regular os horarios comerciais; establecer liñas de crédito prioritarias para o comercio de proximidade; e promover axudas para implantar ou mellorar establecementos que comercialicen produtos autóctonos.

Cedida por BNG de Boiro

Outros artigos

Detida unha veciña por estafa en Boiro de electrodomésticos

Unha veciña da Estrada foi detida acusada dun delito de estafa por subtraer electrodomésticos por un valor de 5.000 euros nunha tenda de Boiro, tras simular unha transferencia co seu móbil. Garda Civil Segundo informou a Garda Civil, a investigación, denominada...

+

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...