As actividades de Nadal en Barbanza chegan estes días ao seu punto máis álxido (un punto que se manterá en zonas altas até pasado o día de Reis). Entre as citas máis destacadas desta finde atópase a cuarta edición do Festival de Nadal do Club Patinaxe de Boiro, que está previsto para este sábado 28 de decembro a partir das 18 horas, no Pavillón Polideportivo da Cachada. A cita será de balde.
Contarase coa participación de varios especialistas novos en patinaxe artística, como son Unai Cereijo e Lucas Yáñez, os dous deportistas de alto nivel, os dous galegos e os dous campións de España nas dúas diferentes modalidades. Tamén se contará coa participación do prestixioso club coruñés CPA Maxia, do que forman parte os ditos deportistas. Organizan o dito club boirense coa colaboración de JEALSA, SOOM e o Concello de Boiro.
