A Garda Civil do Posto Principal de Boiro procedeu á detención dun veciño da mesma localidade e con numerosos antecedentes por delitos contra a orde socioeconómica, por un roubo con forza.
Os feitos sucederon despois de que a patrulla fose alertada de que en Castro, en Boiro, se estaba producindo un roubo no interior dun establecemento de hostalería. Unha vez trasladados ata o lugar, a forza actuante foi informada de que o presunto autor dos feitos acababa de fuxir cara unha zona boscosa, polo que se iniciou unha persecución a pé, na que o sospeitoso se ía desfacendo dos obxectos subtraídos.
Finalmente, a patrulla puido deter ao individuo, que se atopaba encapuchado. Tamén se recuperaron 628 euros en metálico, 18 décimos de lotaría, unha caixa rexistradora, unha caixa metálica e bebidas alcohólicas.