A programación do Nadal boirense incluíu a celebración durante esta fin de semana da Factoría das Raíñas, unha característica feira propia destas datas que se situou no local multiusos do mercado municipal e que estivo integrada por numerosos postos de artesanía, algúns dos cales contan co distintivo Artesanía de Galicia. Deste xeito, ofrecéuselle aos asistentes produtos diferentes para agasallar e autoagasallarse coma, por exemplo, bonecos de trapo, complementos de festa, decoración, cerámica ou ilustración. Ademais, houbo un espazo destinado á gastronomía.
Este mercado de Nadal estivo integrado polos postos de Wooding, Diane Onlooker, Jardinería Espiñeira, Tejeluz, Cerámica Raposiñas, Deica Creacións, Pase lo que pase, Mucha chicha, Recuncho de Cucadas e Cervezas Meiga. Así mesmo, dispuxéronse dous postos solidarios da man de Cruz Vermella de Boiro e Callejeros Barbanza.
A coordinación deste espazo estivo a cargo da artesá Paula Tubío, de A gata moscovita.
