AVISO: Alerta laranxa por vento e temporal costeiro no litoral da Coruña e Pontevedra

18 Decembro 2019

A Dirección Xeral de Emerxencias e Interior da Vicepresidencia da Xunta activou unha alerta laranxa por vento que da comezo esta mesma mañá e que afectará a toda Galicia. Este aviso sumase á alerta laranxa vixente por temporal costeiro no litoral da Coruña e Pontevedra por ventos de compoñente sur que poden chegar a forza 9 con mar combinada do sur con ondas de ata seis metros. Segundo informa a Axencia Estatal de Meteoroloxía ( AEMET), pódense conseguir refachos de ata 100 km/ h nas zonas noroeste, oeste, suroeste e interior da provincia da Coruña, na Mariña lucense, no noroeste da provincia de Ourense e nas Rías Baixas e no interior da provincia de Pontevedra.

A borrasca virá acompañada de choivas intensas, de nivel amarelo, no suroeste, oeste e interior da provincia da Coruña, no noroeste e sur da provincia de Ourense e na provincia de Pontevedra, podendo recollerse ata 60 mm. en 12 horas. A Xunta lembra que, co vento, o mobiliario urbano pode desprazarse e os restos de árbores e ramas que puideron caer á vía poden condicionar a circulación. Tamén se lle lembra á poboación a importancia de seguir as medidas de protección como retirar os obxectos que poidan caer á rúa desde os tellados, balcóns e xanelas e evitar pasar preto de edificios en ruínas, en construción, árbores, paneis publicitarios e demais obxectos susceptibles de desprazarse co vento. Suspensión actividades exterior Pola súa banda a Consellería de Educación, Universidade e Formación Profesional acaba de ampliar a suspensión das actividades no exterior desde as 9 horas desta mañá ata as 18 horas desta tarde por un fenómeno meteorolóxico adverso de nivel laranxa con refachos de vento superiores a 100 quilómetros/hora que afecta as zonas de predición meteorolóxica da totalidade da provincia da Coruña e Pontevedra, a Mariña de Lugo e noroeste e montaña de Ourense. En todo caso, as direccións dos centros escolares das zonas excluídas desta alerta poderán adoptar as decisións que estimen oportunas consideráronse un risco superior ao declarado.

A Xunta ten activada tamén unha alerta laranxa por temporal costeiro no litoral da Coruña e Pontevedra por ventos de compoñente sur que poden chegar a forza 9 con mar combinada do sur con ondas de ata seis metros. Debido ao temporal costeiro, a Xunta lembra a importancia de manterse afastados da liña de costa, isto é, de diques, espigóns, peiraos, praias, paseos marítimos, e todas aquelas zonas que poidan ser varridas polo mar, co fin de previr un eventual golpe de mar que poida arrastrar persoas ou obxectos. É preciso ademais evitar aproximarse e vixiar posibles caídas de obxectos de balcóns e xanelas. Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación aos concellos da provincias afectadas; deputacións, servizos provinciais e agrupacións de voluntarios de Protección Civil e aos clubs náuticos, entre outros. Deste xeito, espérase que se adopten as medidas oportunas para garantir a seguridade dos bens e das persoas. Tamén se aconsella a suspensión das actividades pesqueiras e marisqueiras como medida preventiva naquelas zonas máis perigosas, así como extremar as medidas de seguridade á hora de realizar calquera actividade no mar e revisar os cabos e amarres das embarcacións. Ademais, recoméndase consultar a páxina web do CAE 112 ( www.112galicia.org), que conta con información meteorolóxica e con ligazóns de interese. Tamén se recomenda consultar a páxina web do CAE 112 ( www.112 galicia. org), que conta con información meteorolóxica e con ligazóns de interese.

Previsión de choiva acumulada ata a madrugada do día 19

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....