A Xunta de Galicia deu a coñecer hoxe os traballos discográficos beneficiados pola primeira convocatoria de axudas para a promoción do talento musical galego. Trátase de sete novas contribucións ao ámbito discográfico, unha das cales tócanos de preto: o disco Unaligned, da banda boirense Agoraphobia. O novo traballo desta banda de rock feminino barbanzán inclúese na modalidade B da convocatoria, coa que se impulsa o labor xa consolidado das nosas bandas e solistas: ou sexa, de aqueles e aquelas que xa se tivesen estreado o mundo fonográfico. Unaligned, ao abeiro disto, terá ao seu dispor preto de 8.800 euros.
A concesión foi realizadas por unha comisión de acordo cuns criterios preestablecidos, entre os que figuran “a traxectoria da empresa nos tres anos anteriores, a presenza feminina na produción, o emprego da lingua galega, a proposta de difusión e comercialización, a implicación doutras empresas e/ou profesionais galegos ou a calidade do proxecto”.
De Unaligned falamos recentemente en O Barbanza, dando da conta da xira que levou ás súas integrantes (Susana Saavedra, Sabela Sampedro, Paula Rego e Lucía Fernández) a terras inglés, presentando o devandito traballo musical (o segundo da súa carreira), integrado pordez cancións que marcan un antes e un despois na historia do grupo (nas súas palabras é sen dúbida o “máis grande” que teñen creado até a data) e que foron producidas, gravadas e mesturadas por Iago Lorenzo.
