Na quenda da tarde do 29 de decembro, e durante a realización de varios controis preventivos de alcohol e drogas dentro da campaña especial que se está efectuando, a Policía Local de Rianxo interceptou ao condutor dun vehículo que non fixera un curso de reeducación e sensibilización viaria, despois de ter o permiso de conducir retirado por sentenza xudicial, razón pola cal foi denunciado administrativamente.
Tamén se instruíron dilixencias por delitos contra a seguridade viaria ao condutor dun vehículo tras saltarse un control e circular de forma temeraria. Segundo os axentes, carecía de permiso de conducir por perda total de puntos.
Ademais, tramitáronse denuncias administrativas a outro piloto que, unha vez interceptado e parado nun control, desobedeceu as ordes dos policías e continuou circulando a gran velocidade, sendo identificado polas xestións practicadas.
