A maiores de toda axenda de actividades (musicais, festeiras, escénicas, cinematográficas) do Concello de Rianxo para esta finde primeira do Nadal, da que falamos en detalle este mércores en O Barbanza, o Goberno local rianxeiro lembra á veciñanza de todas as idades que poderá desfrutar de actividades festivas na praza de Castelao, entre os días 24 e 31 de decembro, coa Carpa de Nadal que organiza o Concello, en horario de 11.30 a 13.30 horas (días 24 e 31) e de 11.30 a 13.30 e 17.00 a 20.00 (días 26, 27, 28 e 30), dando acubillo a obradoiros, música, maxia, actividades multimedia, xogos en familia ou contacontos.
O Concello de Rianxo tamén recorda que co fin de seguir achegando un algo de formación e diversión á rapazada neste tempo de festividade, a Área de Comercio organiza a partir do 23 de decembro (até o 4 de xaneiro) na Ludoteca Agarimo o programa LudoNadal Merca-Concilia.