A Casa-Museo de Rafael Dieste abrirase en 2020 co seu mobiliario orixinal

03 Decembro 2019

O Concello de Rianxo vén de confirmar a vindeira apertura oficial da Casa-Museo de Rafael Dieste para este 2020 que xa está preto de comezar. O inmóbel, situado na rúa de Abaixo e recentemente remodelado pola Deputación da Coruña e o Goberno local a través dun proxecto conxunto de posta en valor, está a ser obxecto nesta recta final de 2019 dun “importante traballo de musealización por parte da entidade provincial e do Concello”.

A apertura definitiva, como lembraremos, veu precedida de diversas actividades informais de estrea (por exemplo a presentación da biografía de Dieste a cargo de Luís Rei Núñez), á espera de que se levaran a cabo os últimos detalles da remodelación. Entre estes últimos detalles atopábanse tarefas concretas como a instalación dos radiadores ou a colación do mobiliario orixinal do predio, integrado, entre outros obxectos de gran valor, por varias camas, cadeiras, mesas e mesmo o piano persoal de Dieste, fabricado pola histórica empresa catalá Ortiz & Cusso e datado a comezos do século XX.

Unha vez que o proceso de posta en valor estea definitivamente rematado, a Casa-Museo pasará a forma parte do proxecto integral do Concello para converter as residencias dos grandes escritores rianxeiros (Dieste, Manuel Antonio e Castelao) en enclaves museísticos referenciais, dando como resultado unha emblemática rúa literaria (a rúa de Abaixo) de importancia galega e universal que inclúa tamén, segundo fixo saber o alcalde Adolfo Muíños “oxalá que nun futuro próximo”, a casa onde viviu Castelao.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

A XI Regata Caiac de Mar do Concello de Rianxo celebrarase o 2 de marzo

Xa temos data para XI Regata Caiac de Mar Concello de Rianxo, logo de que o mal tempo do 10 de febreiro, data inicial obrigase a adiar a celebración. Finalmente optouse polo sábado 2 de marzo. Será a partir das 10.00 horas no porto de Rianxo. As saídas están fixadas...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...