A ABE impulsa a súa campaña de Nadal

A Asociación Boirense de Empresarios (ABE) presenta para este Nadal unha campaña que inclúe o Sueldazo ABE, consistente nun soldo de 300 euros durante seis meses entre os clientes dos ao redor de 40 establecementos participantes que realicen as súas compras entre o 13 de decembro e o 5 de xaneiro. En total, repartiranse un total de 90.000 rifas numeradas e entregarase unha por cada 10 euros de compra. Nesta ocasión haberá un único premiado e catro suplentes para garantir a entrega do premio. O sorteo realizarase o 9 de xaneiro, ás 12.00 horas, na propia sede da ABE.

Por outra banda, repartirase un lote de cartas aos Reis Magos para cada negocio participante, ademais de estar dispoñibles na Carpa dos Soños, na ludoteca e no campamento de Nadal. Os cativos unicamente terán que escribir as súas peticións a Melchor, Gaspar e Baltasar, cubrila cos datos que se indican e depositalas na urna que estará na Carpa dos Soños entre o 21 de decembro e o 4 de xaneiro. Así, o 4 de xaneiro sortearanse dous monopatíns, un tradicional e outro eléctrico.

Finalmente, para acceder á ludoteca de Nadal é preciso presentar un ou varios tíckets de compra de calquera establecemento de Boiro por importe de 20 euros con datas entre o 13 de decembro e o 4 de xaneiro.