Stop Deshaucios Barbanza pide á FEGAMP que se dispoñan vivendas baleiras de bancos para familias en emerxencia

19 Novembro 2019

A Plataforma Stop Deshaucios Barbanza vén de remitir unha petición á Federación Galega de Municipios e Provincios (FEGAMP) con vistas a pór medidas que incrementen a dispoñibilidade de vivendas para as familias que non estean en disposición de abonar unha cota medio de aluguer ou os prazos dunha hipoteca. A proposta da plataforma ten un obxectivo concreto: mobilizar o importante número de residencias baleiras nos nosos municipios (poñendo o foco nas vivendas que están en poder das entidades financeiras, dos fondos de investimento ou da propia entidade Sareb) para permitir que os concellos teñan un número mínimo de inmóbeis cos que atender ás familias que se atopan con problemas económicos e de emerxencia.

O obxectivo da medida sería, polo tanto, garantirlles a estas persoas un novo fogar a través dun parque de residencias baleiras.

A plataforma explica na súa petición que “somos conscientes de que todo é cuestión de vontade política”, e que “o dereito á vivenda ten que estar garantido na realidade, ademais de estar recoñecido no artigo 47 da Constitución Española, no artigo 25 da Declaración dos Dereitos Humano e no artigo 11 do Pacto Internacional de Dereitos Económicos, Sociais e Culturais”. En base a estes e outros recoñecementos, sinala a organización, “non se pode seguir admitindo que nas dúas beiras da ría de Arousa nos atopemos cada pouco cun gran número de familias que teñen sinalada a data de desaloxo, por parte dos xulgados de primeira instancia e instrución correspondente, e dende os Concellos non se adopta ningún tipo de medida de emerxencia habitacional e, de facerse, é de maneira provisional, ofertando uns días de estadía provisional nun establecemento hostaleiro”.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...