Rianxo achega un amplo programa de accións e mobilizacións para o 25N

23 Novembro 2019

O 25 de novembro, Día Internacional da Eliminación da Violencia contra a Muller, o Concello de Rianxo, as entidades asociativas e educativas locais e a veciñanza van pechar fileiras para reivindicar, ben alto e para que se escoite, que cómpre rematar xa, e dunha vez por todas, coa lacra das agresións contra as mulleres. O programa de actividades chegará até decembro.

Baixo o lema Rianxo 25N, En negro contra as violencias, os actos concentraranse o luns 25 a partir do mediodía, coa lectura dun manifesto no IES Félix Muriel, unha proclama colectiva que terá continuidade ás 20.00 horas, na praza de Castelao, onde haberá unha concentración cidadá que terá prolongación un pouco máis tarde, cunha manifestación pola vila co punto de partida na dita praza. Ás 20.45 horas procederase a outra lectura reivindicativa (a cargo do Movemento Feminista do Barbanza) e, algo máis tarde, ás 21.00 horas, dará comeza unha actuación activista de regueifas a cargo de Kike Estévez e Alba María.

Aos actos do 25, xornada grande da reivindicación, cómpre engadir a Andaina contra as violencias machistas deste sábado 23, con punto de partida ás 9.00 na praza de Padrón, o obradoiro de máscaras de morimbó deste domingo 24, na praza Rafael Dieste ás 12.00 horas, e a actuación do coro feminino Sisters in the House, este domingo a partir das 13.00 horas, tamén na praza Rafael Dieste.

En decembro, o martes 10 e o xoves 12, desenvolverase no Auditorio o taller Machismo sen miopías, a partir das 17.00 horas. Ademais, até o 30 de novembro, a Asociación Ondiñas Mainas realiza a campaña Bolboretas contra a violencia de xénero na infancia, unha iniciativa colectiva de decoración de xanelas, balcóns, escaparates, etc, “en recordo das crianzas falecidas ou orfas”.

Quen queira información actualizada sobre o completo programa de actividades, ten o Facebook de Rianxo en Negro ao seu dispor.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...