Representantes do sector do mar-industria alimentaria mantiveron este mediodía unha reunión co alcalde de Ribeira, Manuel Ruiz, co obxecto de expresar a súa preocupación ante o borrador do proxecto de reforma do Regulamento Xeral de Costas.
A devandita xuntanza enmárcase nunha ronda de contactos que estas organizacións están a manter cos rexedores de concellos costeiros galegos nos que existe unha maior presenza deste sector para que teñan unha mellor compresión da situación existente, así como para recadar os apoios dos entes locais como partes prexudicadas por un proxecto de reforma que está en curso e ao que o sector está alegando.
Ao encontro asistiron o presidente da Asociación Galega de Depuradores e Comercializadores de Molusco (Agade), Roberto Fariña; Jordi Trías, en representación do Clúster de Acuicultura; o presidente da Federación Galega de Confrarías e patrón maior de Ribeira, José Antonio Pérez; e o asesor xurídico Fernando Otero.
En días anteriores mantiveron entrevistas cos rexedores de Camariñas, Muxía, Carnota e Cervo. Ademais, proximamente teñen previsto celebrar máis reunións con outros gobernantes locais.
