A Asociación Renacer, con sede principal en Ribeira e centrada en promover entre a xuventude hábitos saudábeis (facendo labor de sensibilización e información en contra das drogodependencias nas súas moitas manifestacións), vai organizar o vindeiro 30 de novembro, sábado, a súa cea benéfica anual. A cita será ás 21.30 horas no restaurante Baiuca.
O obxectivo da entidade é “seguir sumando fondos para continuar coa liña de traballo que se desenvolve en Renacer dende o ano 1990” ao tempo que se reforza a vertente máis innovadora da entidade, a relacionada co labor de reinserción, a educación sexual e a sensibilización en materia de novos tipo de adiccións: aos xogos en liña, ás novas tecnoloxías, ás apostas deportivas, etc.
As entradas poden adquirirse no local social da asociación, situado na rúa Agustín Fernández Oujo, 15 A, na Farmacia Fernández de Sanmamed ou facendo un ingreso na conta que a entidade ten en Abanca (coa referencia, no asunto, á cea benéfica de Renacer). O prezo da cea é de 40 € por persoa. No caso de non poder asistir pódese facer un ingreso especificando “Fila Cero”. Renacer tamén engade que os establecementos comerciais tamén poden colaborar mediante doazóns de produtos para o sorte que se vai celebrar no transcurso da gala benéfica.
