A asociación de empresarios de Ribeira presentou a primeira feira do automóbil híbrido e eléctrico que terá lugar os días 15, 16 e 17 na praza de España. O presidente da entidade, Francisco Martínez, mostrouse moi ilusionado coa posta en marcha desta iniciativa, « pioneira na zona», ante o gran cambio que se prevé nos vehículos para loitar contra a contaminación.
O acto contou tamén coa presenza do concelleiro de Comercio, Ramón Doval, e o directivo da asociación Juan Martínez. O portavoz do Concello felicitou á asociación por poñer en marcha unha iniciativa nova e ao mesmo tempo necesaria. Doval comentou que a intención das autoridades locais é que esta feira teña continuidade nos próximos anos e converter a capital barbancesa nunha referencia na mostra deste tipo de vehículos para que o público poida coñecelos e saber como funcionan e tamén os prezos.
