Unha vintena de ribeirenses participantes no obradoiro de estimulación cognitiva enmarcado no Programa de Dinamización dos Nosos Maiores acudiron á Sala Museo Municipal de Ribeira para visitar a exposición O labor en silencio, a cal plasma a través de medio cento de fotografías o papel da muller no mundo laboral ao longo do século XX.
A citada visita adscríbese á intención por parte das persoas docentes de traballar cos maiores sobre do rol da muller e o labor a mediados do século pasado, tomando como referencia a mostra de instantáneas.
A exposición permanecerá aberta ata finais de novembro.
