O grupo municipal do PSdeG-PSOE ribeirense levará a pleno un rogo relativo ao atasco na rede de sumidoiros da praza de España, o cal provoca charcas de auga en días de chuvia.
Os socialistas manifestan o 23 de abril de 2018 presentaron un rogo no que se recollía que esta situación dificultaba o tránsito das persoas polo citado emprazamento da cidade de Ribeira, sostendo que “o problema radica na falta de limpeza dos sumidoiros, dous en concreto, que non cumplen coa súa misión, ao encontrarse obstruídos.”
Tamén engadían que “provoca as molestias dos veciños que pasan polo lugar, e evidencia a falta de mantemento por parte da empresa concesionaria do servizo; quizás por desidia, indiferencia, ou por falta de previsión nas cláusulas do convenio suscrito.”
Desde o partido indican que esta situación continúa sen resolverse na actualidade, “provocando ao anoitecer molladuras de pés inesperadas e innecesarias.”
Por todo isto, a formación solicita que o alcalde ou a persoa encargada desta área “faga as xestións oportunas para habilitar en bo uso estes sumidoiros da praza de España.”
