O Partido Popular ofreceu na noite de onte un mitin na carpa multiusos de Ribeira, contando coa participación do alcalde ribeirense, Manuel Ruiz; a conselleira de Política Social na Xunta de Galicia, Fabiola García; e a primeira tenente de alcalde de Ribeira e candidata número 6 ao Congreso pola provincia da Coruña, María Sampedro.
Así, os tres oradores solicitaron o voto para o Partido Popular e para que Pablo Casado se converta no próximo presidente do Goberno central, ademais de “desbloquear unha situación no que o Executivo estatal con Pedro Sánchez se converteu no maior moroso con Galicia con 700 millóns de euros pendentes de percibir por parte da Comunidade Autónoma.”
No acto tamén estivo presente o noiés Julio Bustelo, candidato número 5 pola provincia.