Na sesión de hoxe do xuízo polo crime de Diana Quer, o xefe do Servizo de Patoloxía do Instituto de Medicina Legal de Galicia (Imelga), José Blanco Pampín, explicou a localización, nunhas fotografías da Garda Civil, dun edema na parte íntima da moza madrileña, motivado como causa de agresión sexual: “o edema é idéntico ao que se aprecia noutras vítimas vivas. Idéntico. E ademais está descrito que isto sucede, por exemplo, entre outras cousas, co trauma obstétrico, con relacións sexuais non consentidas practicadas de forma violenta.”
Ademais, os forenses expuxeron que o que máis lles parece “razoable, con moito” é o estrangulamento con brida. A clave está na lesión sufrida no óso hioides, na garganta.
