O Centro Cultural Lustres Rivas de Ribeira será escenario o venres 15, ás 20.00 horas, da presentación do libro Fuxir de Proxeria, de Manuel Blanco Desar.
O acto está organizado polo Ateneo Valle-Inclán coa colaboración do Concello de Ribeira a través da Concellería de Cultura. Na evento intervirán a edil de Cultura, María Sampedro, e o presidente da citada entidade, Santos Oujo.
Manuel Blanco Desar (Santiago de Compostela, 1965) é economista, avogado e politólogo, especialista en temas internacionais, dereito da competencia e políticas públicas europeas. Entre outros galardóns literarios, obtivo o Premio San Clemente de Relatos (USC). Ten publicado en Dorna. Expresión Poética Galega. Ademais, foi colaborador e articulista en diferentes xornais e xunto con outros autores participou no volume colectivo Berra liberdade a prol de Amnistía Internacional.
Entre a súa obra atópase Nos dominios da incerteza. Historias económicas e Una sociedad sin hijos.
