O BNG de Ribeira expresa o seu compromiso co Club de Remo Náutico de Riveira na procura dunhas instalacións “dignas”

14 Novembro 2019
Cedida por BNG de Ribeira

O voceiro e a vice-responsable de acción social do BNG ribeirense, Xosé Vázquez Cobas e Teresa Prol, mantiveron unha reunión de traballo cos adestradores do Club de Remo Náutico de Riveira, Jesús Silva e Sandra Sánchez, co propósito de abordar cuestións relativas ao novo edificio destinado a albergar a sede da entidade deportiva e a futura escola de remo. Vázquez Cobas anunciou o compromiso da formación nacionalista para lograr que sexa unha realidade “o máis axiña posible.” O voceiro manifestou a súa aposta por dotar de instalacións “dignas” que permitan desenvolver a práctica deportiva, así como un “financiamento suficiente.”

O Bloque confirmou que está levando a cabo xestións co goberno municipal para dispoñer dos recursos económicos para a construción do novo edificio do club. Así mesmo, o voceiro agrega que o Bloque “arrancou o compromiso do goberno de levar este asunto ao vindeiro pleno municipal.”

Cobas argumentou que “é compromiso do BNG favorecer os deportes e así o demostramos onde gobernamos, pois desde a Deputación da Coruña tamén realizamos esforzos por dotar de materiais como son as furgonetas ou a adquisición de bateis para estes clubes.”

Ademais, a formación nacionalista defende a necesidade de aumentar os recursos que o Concello de Ribeira destina ao deporte.

Por outra banda, os dirixentes nacionalistas están “orgullosos” do acadado por parte do Club de Remo Náutico de Riveira, pois “están conseguindo éxitos que nos sitúan no mapa e que demostran que neste concello existen deportistas de primeiro nivel neste deporte que se suman aos xa existentes noutros deportes”, esgrimiu Cobas.

Engade que desenvolven un labor “encomiábel” na promoción deste deporte non só entre as crianzas e a rapazada, senón que tamén promoven o deporte entre os maiores de 35 anos, “alén de dinamizaren a vida da parroquia de Aguiño.”

No BNG cren que o labor que realiza este club “a pesar das precarias instalacións que posúe e os poucos fondos dos que dispón fan que sexa de xustiza que teñan unhas instalacións axeitadas nas que poder desenvolver as súas actividades.”

Outros artigos

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...