O Liceo Marítimo de Ribeira será escenario este venres 8, ás 20.30 horas, do acto público de peche de campaña do BNG. Alí daranse cita o candidato ao Congreso, Néstor Rego; a candidata ao Senado, Tereixa Novo; e o voceiro do BNG local; Xosé Vázquez. Ademais, contará con intervencións musicais a cargo de Bico de Mar e ao remate haberá petiscos.
Desde o Bloque animan á xente a asistir para coñecer de primeira man as súas propostas, “comprometendo o noso traballo a situar os intereses dos galegos e galegas no centro do seu debate no Congreso.”