Nova alerta laranxa por temporal costeiro

12 Novembro 2019
Ondas no peirao de Corrubedo

Os temporais non dan descanso estes días na costa galega. Hoxe mesmo a Xunta (Dirección Xeral de Emerxencias e Interior) activou a alerta laranxa nas provincias da Coruña e Lugo, en cuxo litoral vólvense agardar ondas de 5 a 6 metros, logo dos episodios adversos análogos da sema pasada. O aviso acompáñase (hoxe tamén) dunha alerta amarela por chuvias intensas en A Coruña e Lugo (as precipitacións poderían chegar aos 50 mm recollidos en menos de 12 horas). A borrasca terá especial intensidade a partir das 12.00 horas de hoxe no noroeste, oeste e sueste da Coruña e na costa de Lugo.

Unha vez máis, aconséllase a suspensión das actividades pesqueiras e marisqueiras como medida preventiva naquelas zonas máis perigosas (fóra do abrigo das rías e das contornas portuarias, principalmente) e, no que se refire a actividades de lecer, recoméndase permanecer lonxe da liña de costa e das praias e paseos marítimos co fin de previr un eventual golpe de mar que poida arrastrar persoas ou obxectos. A Xunta lembra a necesidade de extremar as precaucións, seguir as medidas de protección pertinentes e consultar a súa web www.axega112.gal.

Outros artigos

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...