O profesor de Lingua e Literatura Española, Xabier López Marqués, impartirá o xoves 14, ás 20.00 horas, unha conferencia no Centro Cultural Lustres Rivas de Ribeira. A intervención versará sobre os premios Nobel de Literatura en lingua hispana, servindo tamén de clausura da exposición bibliográfica homónima que está presente na Biblioteca Municipal desde o 1 de outubro.
A mostra exhibe obras dos once galardoados en lingua española: José Echegaray, Jacinto Benavente, Juan Ramón Jiménez, Vicente Aleixandre, Camilo José Cela, Gabriela Mistral, Miguel Ángel Asturias, Pablo Neruda, Gabriel García Márquez, Octavio Paz e Mario Vargas Llosa, así como carteis conmemorativos con textos de cada un dos citados escritores.
