Henrique Komatsu colle en novembro o fío das actividades de Axóuxere

12 Novembro 2019

O selo editorial Axóuxere, con sede en Rianxo, é este outono unha casa aberta onde flúe o coñecemento e onde todo está disposto (o que se ve, o que non se ve) para que a comunicación sexa dinámica e continua. Baixo esta arela insírense asactividades públicas que a editorial está a levar a cabo entre os meses de outubro e decembro deste ano. Logo dos encontros coa filósofa galega Raquel Ferrández, é a quenda de escoitar o que nos ten deparado o escritor brasileiro Henrique Komatsu, ao que seguirá a escritora libanesa Joelle Saliba.

Para quen non o saiba, Raquel, Hernrique e Joelle son residentes este outono na casa de Brión (Rianxo), ao abeiro do programa de residencias de escritoras/es e pensadoras/es que a Axóuxere organiza xunto coa Deputación da Coruña e máis o Concello de Rianxo.

Un recanto da residencia de Axóuxere en Brión

Respecto das actividades vindeiras de Henrique Komatsu, ofrecerá un obradoiro de literatura, A escrita como forma de resignificar a realidade, entre o sábado 23 e o domingo 24 de novembro, na Biblioteca Pública Municipal de Rianxo e na casa de Axóuxere Editora. Amais, o escritor brasileiro engadirá ao devandito obradoiro a conferencia O ensaio e a resignificación da realidade, o venres 22 de novembro ás 20 horas na Biblioteca.

Segundo informan Axóuxere e o Concello, a participación nos obradoiros é de balde pero faise preciso inscribirse previamente. Para inscribirse hai que enviar un correo a info@axouxerestream.com co asunto “Inscrición ao obradoiro de Henrique Komatsu / Joelle Saliba”, segundo corresponda. Ou ben chamar aos teléfonos 981 860 371 / 634 532 896 / 650 843 761, 21 de novembro para o de Henrique Komatsu e 28 de novembro para o de Joelle Saliba.

Máis sobre o autor

Henrique Yuichi Komatsu (Brasil) foi seleccionado este ano para a residencia de Axóuxere por un proxecto de escrita poscontemporánea, na liña de autores como Lydia Davis, Donald Barthelme ou Pierre Bettencourt, que camiña nas marxes do expresábel, transitando a borda na que a linguaxe tenta falar do tecido do real, “con toda a súa imprecisión e borrosidade”, en palabras do comité.

Outros artigos

Este xoves arrinca a décima edición do Rexenera Fest

O certame Rexenera Fest 2024, o gran festival da arte pública de Galicia que chega á súa décima edición, celébrase en Carballo do 30 de maio ao 9 de xuño. Organizado polo departamento de Promoción Económica e Turismo do Concello carballés, volverá contar co apoio da...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...