O concello pobrense segue inmerso na programación da vixésimo primeira edición das Xornadas de Homenaxe a Valle-Inclán. Así, o Auditorio do Museo Valle-Inclán albergará este venres 22, ás 20.30 horas, o parladoiro Ramón del Valle-Inclán e familia no casal da Mercé, con proxección de imaxes inéditas. Contará coa intervención de Xaquín del Valle-Inclán Alsina, descendente directo do escritor e investigador. Os asistentes serán agasallados coa reprodución numerada e asinada dunha ilustración de Héitor Picallo, creada especialmente para estas xornadas, tratándose dunha edición limitada a 150 exemplares.
