O espectáculo teatral #camiños representarase o venres 15, ás 21.00 horas, na Casa da Cultura de Boiro. Esta peza afonda na identidade galega nunha mestura de tradición e modernidade, ademais de reflexionar sobre o que significa Galicia no século XXI. Desta maneira, preséntasenos a dúas mulleres que comparten asento no aeroporto: Carolina, quen viaxa a Estados Unidos, e Daiana, bisneta dunha emigrante galega que vén da Arxentina. Entre elas, milleiros de camiños que unen pasado e futuro.
O elenco está composto por Noelia Blanco, Noa Covelo, Celina Fernández, Pia Nicoletti e Esther F. Carrodeguas, sendo o texto desta última.
A obra é unha produción de ButacaZero en coprodución co Centro Dramático Galego (CDG).
