Con motivo do día de Santa Icía, patroa da Música, a Banda Municipal de Música de Boiro inicia o sábado 30 unha nova tempada cun concerto especial de solistas. Este recital celebrarase na boirense Casa da Cultura Ramón Martínez López a partir das 20.00 horas.
Así, Alba Tubío, saxo alto, interpretará Pequena Czarda (P. Iturralde); Iván Guimarey e Ricardo Mosquera, bombardino e tuba, tocarán a obra Gaia (A. García); Laura Rodríguez, saxo alto, con Ballade for Sax. Alto (A. Reed); Marta Lorenzo, clarinete, levará Adagio do concerto para clarinete en La de Mozart; Ramón Veiga, trompeta, interpretará Ode for trumpet (A. Reed); e Samuel Rodríguez, ao xilófono, con Happy Mallets (Harm Evers).
Ademais, soarán por primeira vez dous pasodobres rescatados: Teresa e Maruja Mosconi, de Ramón Castaño.
