A sección primeira da Audiencia Provincial de A Coruña acolleu hoxe a segunda e última sesión do xuízo contra o home acusado de atacar á súa ex-parella en Ribeira o pasado verán.
As dúas acusacións consideran probado que o procesado actuou de xeito premeditado. Así, a acusación particular pide 15 anos de cadea por tentativa de asasinato con agravante de parentesco, mentres que a Fiscalía rebaixa a pena a case 10 anos de prisión.
Pola súa parte, a defensa mantén que o acusado non tiña intención de matar á súa ex-parella, ademais de pedir que se teña en conta a atenuante por consumo de drogas.
Agora o xuízo quedou visto para sentenza.