Volve o Club de Lectura de Boiro cunha cita arredor de Edurne Portela e Mejor la ausencia

31 Outubro 2019

En novembro volven os faladoiros arredor de literatura na Biblioteca de Boiro. Logo do encontro dos días pasados con Antón Riveiro Coello, o 21 deste mes de novembro celebrarase ao abeiro do Club de Lectura a presentación de Mejor la ausencia, da escritora vasca de raizames galegas Edurne Portela (Santurce, 1974). A cita será a partir das 18.30 horas e para participar nela, como de costume, unicamente se nos require que sexamos practicantes máis ou menos ocasionais deses hábitos tan saudábeis que son a lectura, o gusto de falar dela, recomendar libros e deixarnos recomendar. Porque, segundo nos lembra a Biblioteca acerca das actividades do Club, “para viaxar lonxe non hai mellor nave ca un libro”.

Respecto de Mejor la ausencia, foi editado hai dous anos por Galaxia Gutenberg e recibiu, entre outros recoñecementos, o Premio ao mellor libro do ano de ficción que concede o Gremio de Librarías de Madrid.

Cóntanos a historia de Amaia e da súa nenez e adolescencia nunha familia en proceso de destrución e afectada pola violencia desatada dunha contorna, a de Euskadi nas décadas dos oitenta e noventa, onde aos problemas sociais derivados da cuestión política e social engadíanse os estragos xerados pola heroína e a destrución medioambiental, especialmente presentes na marxe esquerda do río Nervión, que é onde transcorren estas primeiras décadas de vida de Amaia. A protagonista do libro, a pequena de catro irmáns, debulla os detalles desta contorna brutal “dende a súa ollada de nena e adolescente”. Anos despois, a muller na que se converte Amaia volve á súa vila para atoparse “co seu pasado non resolto”.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...